‎1 ‏וַיְהִי֩ כִשְׁמֹ֨עַ אֲדֹֽנִי־צֶ֜דֶק מֶ֣לֶךְ יְרוּשָׁלִַ֗ם כִּֽי־לָכַ֨ד יְהוֹשֻׁ֣עַ אֶת־הָעַי֮ וַיַּחֲרִימָהּ֒ כַּאֲשֶׁ֨ר עָשָׂ֤ה לִֽירִיחוֹ֙ וּלְמַלְכָּ֔הּ כֵּן־עָשָׂ֥ה לָעַ֖י וּלְמַלְכָּ֑הּ וְכִ֨י הִשְׁלִ֜ימוּ יֹשְׁבֵ֤י גִבְעוֹן֙ אֶת־יִשְׂרָאֵ֔ל וַיִּֽהְי֖וּ בְּקִרְבָּֽם׃

‎2 ‏וַיִּֽירְא֣וּ מְאֹ֔ד כִּ֣י עִ֤יר גְּדוֹלָה֙ גִּבְע֔וֹן כְּאַחַ֖ת עָרֵ֣י הַמַּמְלָכָ֑ה וְכִ֨י הִ֤יא גְדוֹלָה֙ מִן־הָעַ֔י וְכָל־אֲנָשֶׁ֖יהָ גִּבֹּרִֽים׃

‎3 ‏וַיִּשְׁלַ֨ח אֲדֹנִי־צֶ֜דֶק מֶ֣לֶךְ יְרוּשָׁלִַ֗ם אֶל־הוֹהָ֣ם מֶֽלֶךְ־חֶ֠בְרוֹן וְאֶל־פִּרְאָ֨ם מֶֽלֶךְ־יַרְמ֜וּת וְאֶל־יָפִ֧יעַ מֶֽלֶךְ־לָכִ֛ישׁ וְאֶל־דְּבִ֥יר מֶֽלֶךְ־עֶגְל֖וֹן לֵאמֹֽר׃

‎4 ‏עֲלֽוּ־אֵלַ֣י וְעִזְרֻ֔נִי וְנַכֶּ֖ה אֶת־גִּבְע֑וֹן כִּֽי־הִשְׁלִ֥ימָה אֶת־יְהוֹשֻׁ֖עַ וְאֶת־בְּנֵ֥י יִשְׂרָאֵֽל׃

‎5 ‏וַיֵּאָסְפ֨וּ וַֽיַּעֲל֜וּ חֲמֵ֣שֶׁת׀ מַלְכֵ֣י הָאֱמֹרִ֗י מֶ֣לֶךְ יְרוּשָׁלִַ֜ם מֶֽלֶךְ־חֶבְר֤וֹן מֶֽלֶךְ־יַרְמוּת֙ מֶֽלֶךְ־לָכִ֣ישׁ מֶֽלֶךְ־עֶגְל֔וֹן הֵ֖ם וְכָל־מַֽחֲנֵיהֶ֑ם וַֽיַּחֲנוּ֙ עַל־גִּבְע֔וֹן וַיִּֽלָּחֲמ֖וּ עָלֶֽיהָ׃

‎6 ‏וַיִּשְׁלְח֣וּ אַנְשֵׁי֩ גִבְע֨וֹן אֶל־יְהוֹשֻׁ֤עַ אֶל־הַֽמַּחֲנֶה֙ הַגִּלְגָּ֣לָה לֵאמֹ֔ר אַל־תֶּ֥רֶף יָדֶ֖יךָ מֵֽעֲבָדֶ֑יךָ עֲלֵ֧ה אֵלֵ֣ינוּ מְהֵרָ֗ה וְהוֹשִׁ֤יעָה לָּ֙נוּ֙ וְעָזְרֵ֔נוּ כִּ֚י נִקְבְּצ֣וּ אֵלֵ֔ינוּ כָּל־מַלְכֵ֥י הָאֱמֹרִ֖י יֹשְׁבֵ֥י הָהָֽר׃

‎7 ‏וַיַּ֨עַל יְהוֹשֻׁ֜עַ מִן־הַגִּלְגָּ֗ל ה֚וּא³ וְכָל־עַ֤ם הַמִּלְחָמָה֙ עִמּ֔וֹ וְכֹ֖ל גִּבּוֹרֵ֥י הֶחָֽיִל׃ פ

‎8 ‏וַיֹּ֨אמֶר יְהוָ֤ה אֶל־יְהוֹשֻׁ֙עַ֙ אַל־תִּירָ֣א מֵהֶ֔ם כִּ֥י בְיָדְךָ֖ נְתַתִּ֑ים לֹֽא־יַעֲמֹ֥ד אִ֛ישׁ מֵהֶ֖ם בְּפָנֶֽיךָ׃

‎9 ‏וַיָּבֹ֧א אֲלֵיהֶ֛ם יְהוֹשֻׁ֖עַ פִּתְאֹ֑ם כָּל־הַלַּ֕יְלָה עָלָ֖ה מִן־הַגִּלְגָּֽל׃

‎10 ‏וַיְהֻמֵּ֤ם יְהוָה֙ לִפְנֵ֣י יִשְׂרָאֵ֔ל וַיַּכֵּ֥ם מַכָּֽה־גְדוֹלָ֖ה בְּגִבְע֑וֹן וַֽיִּרְדְּפֵ֗ם דֶּ֚רֶךְ מַעֲלֵ֣ה בֵית־חוֹרֹ֔ן וַיַּכֵּ֥ם עַד־עֲזֵקָ֖ה וְעַד־מַקֵּדָֽה׃

‎11 ‏וַיְהִ֞י בְּנֻסָ֣ם׀ מִפְּנֵ֣י יִשְׂרָאֵ֗ל הֵ֞ם בְּמוֹרַ֤ד בֵּית־חוֹרֹן֙ וַֽיהוָ֡ה הִשְׁלִ֣יךְ עֲלֵיהֶם֩ אֲבָנִ֨ים גְּדֹל֧וֹת מִן־הַשָּׁמַ֛יִם עַד־עֲזֵקָ֖ה וַיָּמֻ֑תוּ רַבִּ֗ים אֲשֶׁר־מֵ֙תוּ֙ בְּאַבְנֵ֣י הַבָּרָ֔ד מֵאֲשֶׁ֥ר הָרְג֛וּ בְּנֵ֥י יִשְׂרָאֵ֖ל בֶּחָֽרֶב׃ ס

‎12 ‏אָ֣ז יְדַבֵּ֤ר יְהוֹשֻׁעַ֙ לַֽיהוָ֔ה בְּי֗וֹם תֵּ֤ת יְהוָה֙ אֶת־הָ֣אֱמֹרִ֔י לִפְנֵ֖י בְּנֵ֣י יִשְׂרָאֵ֑ל וַיֹּ֣אמֶר׀ לְעֵינֵ֣י יִשְׂרָאֵ֗ל שֶׁ֚מֶשׁ בְּגִבְע֣וֹן דּ֔וֹם וְיָרֵ֖חַ בְּעֵ֥מֶק אַיָּלֽוֹן׃

‎13 ‏וַיִּדֹּ֨ם הַשֶּׁ֜מֶשׁ וְיָרֵ֣חַ עָמָ֗ד עַד־יִקֹּ֥ם גּוֹי֙ אֹֽיְבָ֔יו הֲלֹא־הִ֥יא כְתוּבָ֖ה עַל־סֵ֣פֶר הַיָּשָׁ֑ר וַיַּעֲמֹ֤ד הַשֶּׁ֙מֶשׁ֙ בַּחֲצִ֣י הַשָּׁמַ֔יִם וְלֹא־אָ֥ץ לָב֖וֹא כְּי֥וֹם תָּמִֽים׃

‎14 ‏וְלֹ֨א הָיָ֜ה כַּיּ֤וֹם הַהוּא֙ לְפָנָ֣יו וְאַחֲרָ֔יו לִשְׁמֹ֥עַ יְהוָ֖ה בְּק֣וֹל אִ֑ישׁ כִּ֣י יְהוָ֔ה נִלְחָ֖ם לְיִשְׂרָאֵֽל׃ פ

‎15 ‏וַיָּ֤שָׁב יְהוֹשֻׁ֙עַ֙ וְכָל־יִשְׂרָאֵ֣ל עִמּ֔וֹ אֶל־הַֽמַּחֲנֶ֖ה הַגִּלְגָּֽלָה׃

‎16 ‏וַיָּנֻ֕סוּ חֲמֵ֖שֶׁת הַמְּלָכִ֣ים הָאֵ֑לֶּה וַיֵּחָבְא֥וּ בַמְּעָרָ֖ה בְּמַקֵּדָֽה׃

‎17 ‏וַיֻּגַּ֖ד לִיהוֹשֻׁ֣עַ לֵאמֹ֑ר נִמְצְאוּ֙ חֲמֵ֣שֶׁת הַמְּלָכִ֔ים נֶחְבְּאִ֥ים בַּמְּעָרָ֖ה בְּמַקֵּדָֽה׃

‎18 ‏וַיֹּ֣אמֶר יְהוֹשֻׁ֔עַ גֹּ֛לּוּ אֲבָנִ֥ים גְּדֹל֖וֹת אֶל־פִּ֣י הַמְּעָרָ֑ה וְהַפְקִ֧ידוּ עָלֶ֛יהָ אֲנָשִׁ֖ים לְשָׁמְרָֽם׃

‎19 ‏וְאַתֶּם֙ אַֽל־תַּעֲמֹ֔דוּ רִדְפוּ֙ אַחֲרֵ֣י אֹֽיְבֵיכֶ֔ם וְזִנַּבְתֶּ֖ם אוֹתָ֑ם אַֽל־תִּתְּנ֗וּם לָבוֹא֙ אֶל־עָ֣רֵיהֶ֔ם כִּ֧י נְתָנָ֛ם יְהוָ֥ה אֱלֹהֵיכֶ֖ם בְּיֶדְכֶֽם׃

‎20 ‏וַיְהִי֩ כְּכַלּ֨וֹת יְהוֹשֻׁ֜עַ וּבְנֵ֣י יִשְׂרָאֵ֗ל לְהַכּוֹתָ֛ם מַכָּ֥ה גְדוֹלָֽה־מְאֹ֖ד עַד־תֻּמָּ֑ם וְהַשְּׂרִידִים֙ שָׂרְד֣וּ מֵהֶ֔ם וַיָּבֹ֖אוּ אֶל־עָרֵ֥י הַמִּבְצָֽר׃

‎21 ‏וַיָּשֻׁבוּ֩ כָל־הָעָ֨ם אֶל־הַמַּחֲנֶ֧ה אֶל־יְהוֹשֻׁ֛עַ מַקֵּדָ֖ה בְּשָׁל֑וֹם לֹֽא־חָרַ֞ץ לִבְנֵ֧י יִשְׂרָאֵ֛ל לְאִ֖ישׁ אֶת־לְשֹׁנֽוֹ׃

‎22 ‏וַיֹּ֣אמֶר יְהוֹשֻׁ֔עַ פִּתְח֖וּ אֶת־פִּ֣י הַמְּעָרָ֑ה וְהוֹצִ֣יאוּ אֵלַ֗י אֶת־חֲמֵ֛שֶׁת הַמְּלָכִ֥ים הָאֵ֖לֶּה מִן־הַמְּעָרָֽה׃

‎23 ‏וַיַּ֣עֲשׂוּ כֵ֔ן וַיֹּצִ֣יאוּ אֵלָ֗יו אֶת־חֲמֵ֛שֶׁת הַמְּלָכִ֥ים הָאֵ֖לֶּה מִן־הַמְּעָרָ֑ה אֵ֣ת׀ מֶ֣לֶךְ יְרוּשָׁלִַ֗ם אֶת־מֶ֤לֶךְ חֶבְרוֹן֙ אֶת־מֶ֣לֶךְ יַרְמ֔וּת אֶת־מֶ֥לֶךְ לָכִ֖ישׁ אֶת־מֶ֥לֶךְ עֶגְלֽוֹן׃

‎24 ‏וַ֠יְהִי כְּֽהוֹצִיאָ֞ם אֶת־הַמְּלָכִ֣ים הָאֵלֶּה֮ אֶל־יְהוֹשֻׁעַ֒ וַיִּקְרָ֨א יְהוֹשֻׁ֜עַ אֶל־כָּל־אִ֣ישׁ יִשְׂרָאֵ֗ל וַ֠יֹּאמֶר אֶל־קְצִינֵ֞י אַנְשֵׁ֤י הַמִּלְחָמָה֙ הֶהָלְכ֣וּא אִתּ֔וֹ קִרְב֗וּ שִׂ֚ימוּ אֶת־רַגְלֵיכֶ֔ם עַֽל־צַוְּארֵ֖י הַמְּלָכִ֣ים הָאֵ֑לֶּה וַֽיִּקְרְב֔וּ וַיָּשִׂ֥ימוּ אֶת־רַגְלֵיהֶ֖ם עַל־צַוְּארֵיהֶֽם׃

‎25 ‏וַיֹּ֤אמֶר אֲלֵיהֶם֙ יְהוֹשֻׁ֔עַ אַל־תִּֽירְא֖וּ וְאַל־תֵּחָ֑תּוּ חִזְק֣וּ וְאִמְצ֔וּ כִּ֣י כָ֗כָה יַעֲשֶׂ֤ה יְהוָה֙ לְכָל־אֹ֣יְבֵיכֶ֔ם אֲשֶׁ֥ר אַתֶּ֖ם נִלְחָמִ֥ים אוֹתָֽם׃

‎26 ‏וַיַּכֵּ֨ם יְהוֹשֻׁ֤עַ אַֽחֲרֵי־כֵן֙ וַיְמִיתֵ֔ם וַיִּתְלֵ֕ם עַ֖ל חֲמִשָּׁ֣ה עֵצִ֑ים וַיִּֽהְי֛וּ תְּלוּיִ֥ם עַל־הָעֵצִ֖ים עַד־הָעָֽרֶב׃

‎27 ‏וַיְהִ֞י לְעֵ֣ת׀ בּ֣וֹא הַשֶּׁ֗מֶשׁ צִוָּ֤ה יְהוֹשֻׁ֙עַ֙ וַיֹּֽרִידוּם֙ מֵעַ֣ל הָעֵצִ֔ים וַיַּ֨שְׁלִכֻ֔ם אֶל־הַמְּעָרָ֖ה אֲשֶׁ֣ר נֶחְבְּאוּ־שָׁ֑ם וַיָּשִׂ֜מוּ אֲבָנִ֤ים גְּדֹלוֹת֙ עַל־פִּ֣י הַמְּעָרָ֔ה עַד־עֶ֖צֶם הַיּ֥וֹם הַזֶּֽה׃ פ

‎28 ‏וְאֶת־מַקֵּדָה֩ לָכַ֨ד יְהוֹשֻׁ֜עַ בַּיּ֣וֹם הַה֗וּא וַיַּכֶּ֣הָ לְפִי־חֶרֶב֮ וְאֶת־מַלְכָּהּ֒ הֶחֱרִ֣ם אוֹתָ֗ם וְאֶת־כָּל־הַנֶּ֙פֶשׁ֙ אֲשֶׁר־בָּ֔הּ לֹ֥א הִשְׁאִ֖יר שָׂרִ֑יד וַיַּ֙עַשׂ֙ לְמֶ֣לֶךְ מַקֵּדָ֔ה כַּאֲשֶׁ֥ר עָשָׂ֖ה לְמֶ֥לֶךְ יְרִיחֽוֹ׃

‎29 ‏וַיַּעֲבֹ֣ר יְ֠הוֹשֻׁעַ וְכָֽל־יִשְׂרָאֵ֥ל עִמּ֛וֹ מִמַּקֵּדָ֖ה לִבְנָ֑ה וַיִּלָּ֖חֶם עִם־לִבְנָֽה׃

‎30 ‏וַיִּתֵּן֩ יְהוָ֨ה גַּם־אוֹתָ֜הּ בְּיַ֣ד יִשְׂרָאֵל֮³ וְאֶת־מַלְכָּהּ֒ וַיַּכֶּ֣הָ לְפִי־חֶ֗רֶב וְאֶת־כָּל־הַנֶּ֙פֶשׁ֙ אֲשֶׁר־בָּ֔הּ לֹֽא־הִשְׁאִ֥יר בָּ֖הּ שָׂרִ֑יד וַיַּ֣עַשׂ לְמַלְכָּ֔הּ כַּאֲשֶׁ֥ר עָשָׂ֖ה לְמֶ֥לֶךְ יְרִיחֽוֹ׃ ס

‎31 ‏וַיַּעֲבֹ֣ר יְ֠הוֹשֻׁעַ וְכָל־יִשְׂרָאֵ֥ל עִמּ֛וֹ מִלִּבְנָ֖ה לָכִ֑ישָׁה וַיִּ֣חַן עָלֶ֔יהָ וַיִּלָּ֖חֶם בָּֽהּ׃

‎32 ‏וַיִּתֵּן֩ יְהוָ֨ה אֶת־לָכִ֜ישׁ בְּיַ֣ד יִשְׂרָאֵ֗ל וַֽיִּלְכְּדָהּ֙ בַּיּ֣וֹם הַשֵּׁנִ֔י וַיַּכֶּ֣הָ לְפִי־חֶ֔רֶב וְאֶת־כָּל־הַנֶּ֖פֶשׁ אֲשֶׁר־בָּ֑הּ כְּכֹ֥ל אֲשֶׁר־עָשָׂ֖ה לְלִבְנָֽה׃ פ

‎33 ‏אָ֣ז עָלָ֗ה הֹרָם֙ מֶ֣לֶךְ גֶּ֔זֶר לַעְזֹ֖ר אֶת־לָכִ֑ישׁ וַיַּכֵּ֤הוּ יְהוֹשֻׁ֙עַ֙ וְאֶת־עַמּ֔וֹ עַד־בִּלְתִּ֥י הִשְׁאִֽיר־ל֖וֹ שָׂרִֽיד׃

‎34 ‏וַיַּעֲבֹ֣ר יְ֠הוֹשֻׁעַ וְכָל־יִשְׂרָאֵ֥ל עִמּ֛וֹ מִלָּכִ֖ישׁ עֶגְלֹ֑נָה וַיַּחֲנ֣וּ עָלֶ֔יהָ וַיִּֽלָּחֲמ֖וּ עָלֶֽיהָ׃

‎35 ‏וַֽיִּלְכְּד֜וּהָ בַּיּ֤וֹם הַהוּא֙ וַיַּכּ֣וּהָ לְפִי־חֶ֔רֶב וְאֵת֙ כָּל־הַנֶּ֣פֶשׁ אֲשֶׁר־בָּ֔הּ בַּיּ֥וֹם הַה֖וּא הֶחֱרִ֑ים כְּכֹ֥ל אֲשֶׁר־עָשָׂ֖ה לְלָכִֽישׁ׃ פ

‎36 ‏וַיַּ֣עַל יְ֠הוֹשֻׁעַ וְכָֽל־יִשְׂרָאֵ֥ל עִמּ֛וֹ מֵעֶגְל֖וֹנָה חֶבְר֑וֹנָה וַיִּֽלָּחֲמ֖וּ עָלֶֽיהָ׃

‎37 ‏וַיִּלְכְּד֣וּהָ וַיַּכּֽוּהָ־לְפִי־חֶ֠רֶב וְאֶת־מַלְכָּ֨הּ וְאֶת־כָּל־עָרֶ֜יהָ וְאֶת־כָּל־הַנֶּ֤פֶשׁ אֲשֶׁר־בָּהּ֙ לֹֽא־הִשְׁאִ֣יר שָׂרִ֔יד כְּכֹ֥ל אֲשֶׁר־עָשָׂ֖ה לְעֶגְל֑וֹן וַיַּחֲרֵ֣ם אוֹתָ֔הּ וְאֶת־כָּל־הַנֶּ֖פֶשׁ אֲשֶׁר־בָּֽהּ׃ ס

‎38 ‏וַיָּ֧שָׁב יְהוֹשֻׁ֛עַ וְכָל־יִשְׂרָאֵ֥ל עִמּ֖וֹ דְּבִ֑רָה וַיִּלָּ֖חֶם עָלֶֽיהָ׃

‎39 ‏וַֽיִּלְכְּדָ֞הּ וְאֶת־מַלְכָּ֤הּ וְאֶת־כָּל־עָרֶ֙יהָ֙ וַיַּכּ֣וּם לְפִי־חֶ֔רֶב וַֽיַּחֲרִ֙ימוּ֙ אֶת־כָּל־נֶ֣פֶשׁ אֲשֶׁר־בָּ֔הּ לֹ֥א הִשְׁאִ֖יר שָׂרִ֑יד כַּאֲשֶׁ֨ר עָשָׂ֜ה לְחֶבְר֗וֹן כֵּן־עָשָׂ֤ה לִדְבִ֙רָה֙ וּלְמַלְכָּ֔הּ וְכַאֲשֶׁ֥ר עָשָׂ֛ה לְלִבְנָ֖ה וּלְמַלְכָּֽהּ׃

‎40 ‏וַיַּכֶּ֣ה יְהוֹשֻׁ֣עַ אֶת־כָּל־הָאָ֡רֶץ הָהָר֩ וְהַנֶּ֨גֶב וְהַשְּׁפֵלָ֜ה וְהָאֲשֵׁד֗וֹת וְאֵת֙ כָּל־מַלְכֵיהֶ֔ם לֹ֥א הִשְׁאִ֖יר שָׂרִ֑יד וְאֵ֤ת כָּל־הַנְּשָׁמָה֙ הֶחֱרִ֔ים כַּאֲשֶׁ֣ר צִוָּ֔ה יְהוָ֖ה אֱלֹהֵ֥י יִשְׂרָאֵֽל׃

‎41 ‏וַיַּכֵּ֧ם יְהוֹשֻׁ֛עַ מִקָּדֵ֥שׁ בַּרְנֵ֖עַ וְעַד־עַזָּ֑ה וְאֵ֛ת כָּל־אֶ֥רֶץ גֹּ֖שֶׁן וְעַד־גִּבְעֽוֹן׃

‎42 ‏וְאֵ֨ת כָּל־הַמְּלָכִ֤ים הָאֵ֙לֶּה֙ וְאֶת־אַרְצָ֔ם לָכַ֥ד יְהוֹשֻׁ֖עַ פַּ֣עַם אֶחָ֑ת כִּ֗י יְהוָה֙ אֱלֹהֵ֣י יִשְׂרָאֵ֔ל נִלְחָ֖ם לְיִשְׂרָאֵֽל׃

‎43 ‏וַיָּ֤שָׁב יְהוֹשֻׁ֙עַ֙ וְכָל־יִשְׂרָאֵ֣ל עִמּ֔וֹ אֶל־הַֽמַּחֲנֶ֖ה הַגִּלְגָּֽלָה׃ פ

1 wayəhî ḵišəmō‘a ’ăḏōnî-ṣeḏeq meleḵə yərûšālaim kî-lāḵaḏ yəhwōšu‘a ’eṯ-hā‘ay wayy^aḥărîmāh ka’ăšer ‘āśâ lîrîḥwō ûləmaləkāh kēn-‘āśâ lā‘ay ûləmaləkāh wəḵî hišəlîmû yōšəḇê ḡiḇə‘wōn ’eṯ-yiśərā’ēl wayyihəyû bəqirəbām:

2 wayyîrə’û mə’ōḏ kî ‘îr gəḏwōlâ giḇə‘wōn kə’^aḥaṯ ‘ārê hammaməlāḵâ wəḵî hî’ ḡəḏwōlâ min-hā‘ay wəḵāl-’ănāšeyhā gibōrîm:

3 wayyišəl^aḥ ’ăḏōnî-ṣeḏeq meleḵə yərûšālaim ’el-hwōhām meleḵə-ḥeḇərwōn wə’el-pirə’ām meleḵə-yarəmûṯ wə’el-yāfî‘a meleḵə-lāḵîš wə’el-dəḇîr meleḵə-‘eḡəlwōn lē’mōr:

4 ‘ălû-’ēlay wə‘izərunî wənakeh ’eṯ-giḇə‘wōn kî-hišəlîmâ ’eṯ-yəhwōšu‘a wə’eṯ-bənê yiśərā’ēl:

5 wayyē’āsəfû wayy^a‘ălû ḥămēšeṯ| maləḵê hā’ĕmōrî meleḵə yərûšālaim meleḵə-ḥeḇərwōn meleḵə-yarəmûṯ meleḵə-lāḵîš meleḵə-‘eḡəlwōn hēm wəḵāl-m^aḥănêhem wayy^aḥănû ‘al-giḇə‘wōn wayyillāḥămû ‘āleyhā:

6 wayyišələḥû ’anəšê ḡiḇə‘wōn ’el-yəhwōšu‘a ’el-hamm^aḥăneh hagiləgālâ lē’mōr ’al-teref yāḏeyḵā mē‘ăḇāḏeyḵā ‘ălēh ’ēlênû məhērâ wəhwōšî‘â llānû wə‘āzərēnû kî niqəbəṣû ’ēlênû kāl-maləḵê hā’ĕmōrî yōšəḇê hâār:

7 wayy^a‘al yəhwōšu‘a min-hagiləgāl hû’³ wəḵāl-‘am hammiləḥāmâ ‘immwō wəḵōl gibwōrê heḥāyil: f

8 wayyō’mer yəhwâ ’el-yəhwōšu‘a ’al-tîrā’ mēhem kî ḇəyāḏəḵā nəṯatîm lō’-y^a‘ămōḏ ’îš mēhem bəfāneyḵā:

9 wayyāḇō’ ’ălêhem yəhwōšu‘a piṯə’ōm kāl-hallayəlâ ‘ālâ min-hagiləgāl:

10 wayəhummēm yəhwâ lifənê yiśərā’ēl wayyakēm makâ-ḡəḏwōlâ bəḡiḇə‘wōn wayyirədəfēm dereḵə m^a‘ălēh ḇêṯ-ḥwōrōn wayyakēm ‘aḏ-‘ăzēqâ wə‘aḏ-maqqēḏâ:

11 wayəhî bənusām| mipənê yiśərā’ēl hēm bəmwōraḏ bêṯ-ḥwōrōn wayhwâ hišəlîḵə ‘ălêhem ’ăḇānîm gəḏōlwōṯ min-haššāmayim ‘aḏ-‘ăzēqâ wayyāmuṯû rabîm ’ăšer-mēṯû bə’aḇənê habārāḏ mē’ăšer hārəḡû bənê yiśərā’ēl beḥāreḇ: s

12 ’āz yəḏabēr yəhwōšu‘a layhwâ bəywōm tēṯ yəhwâ ’eṯ-hā’ĕmōrî lifənê bənê yiśərā’ēl wayyō’mer| lə‘ênê yiśərā’ēl šemeš bəḡiḇə‘wōn dwōm wəyārēḥa bə‘ēmeq ’ayyālwōn:

13 wayyidōm haššemeš wəyārēḥa ‘āmāḏ ‘aḏ-yiqqōm gwōy ’ōyəḇāyw hălō’-hî’ ḵəṯûḇâ ‘al-sēfer hayyāšār wayy^a‘ămōḏ haššemeš b^aḥăṣî haššāmayim wəlō’-’āṣ lāḇwō’ kəywōm tāmîm:

14 wəlō’ hāyâ kayywōm hahû’ ləfānāyw wə’^aḥărāyw lišəmō‘a yəhwâ bəqwōl ’îš kî yəhwâ niləḥām ləyiśərā’ēl: f

15 wayyāšāḇ yəhwōšu‘a wəḵāl-yiśərā’ēl ‘immwō ’el-hamm^aḥăneh hagiləgālâ:

16 wayyānusû ḥămēšeṯ hamməlāḵîm hā’ēlleh wayyēḥāḇə’û ḇammə‘ārâ bəmaqqēḏâ:

17 wayyugaḏ lîhwōšu‘a lē’mōr niməṣə’û ḥămēšeṯ hamməlāḵîm neḥəbə’îm bammə‘ārâ bəmaqqēḏâ:

18 wayyō’mer yəhwōšu‘a gōllû ’ăḇānîm gəḏōlwōṯ ’el-pî hammə‘ārâ wəhafəqîḏû ‘āleyhā ’ănāšîm ləšāmərām:

19 wə’atem ’al-t^a‘ămōḏû riḏəfû ’^aḥărê ’ōyəḇêḵem wəzinnaḇətem ’wōṯām ’al-titənûm lāḇwō’ ’el-‘ārêhem kî nəṯānām yəhwâ ’ĕlōhêḵem bəyeḏəḵem:

20 wayəhî kəḵallwōṯ yəhwōšu‘a ûḇənê yiśərā’ēl ləhakwōṯām makâ ḡəḏwōlâ-mə’ōḏ ‘aḏ-tummām wəhaśśərîḏîm śārəḏû mēhem wayyāḇō’û ’el-‘ārê hammiḇəṣār:

21 wayyāšuḇû ḵāl-hā‘ām ’el-hamm^aḥăneh ’el-yəhwōšu‘a maqqēḏâ bəšālwōm lō’-ḥāraṣ liḇənê yiśərā’ēl lə’îš ’eṯ-ləšōnwō:

22 wayyō’mer yəhwōšu‘a piṯəḥû ’eṯ-pî hammə‘ārâ wəhwōṣî’û ’ēlay ’eṯ-ḥămēšeṯ hamməlāḵîm hā’ēlleh min-hammə‘ārâ:

23 wayy^a‘ăśû ḵēn wayyōṣî’û ’ēlāyw ’eṯ-ḥămēšeṯ hamməlāḵîm hā’ēlleh min-hammə‘ārâ ’ēṯ| meleḵə yərûšālaim ’eṯ-meleḵə ḥeḇərwōn ’eṯ-meleḵə yarəmûṯ ’eṯ-meleḵə lāḵîš ’eṯ-meleḵə ‘eḡəlwōn:

24 wayəhî kəhwōṣî’ām ’eṯ-hamməlāḵîm hā’ēlleh ’el-yəhwōšu‘a wayyiqərā’ yəhwōšu‘a ’el-kāl-’îš yiśərā’ēl wayyō’mer ’el-qəṣînê ’anəšê hammiləḥāmâ hehāləḵû’ ’itwō qirəḇû śîmû ’eṯ-raḡəlêḵem ‘al-ṣaûə’rê hamməlāḵîm hā’ēlleh wayyiqərəḇû wayyāśîmû ’eṯ-raḡəlêhem ‘al-ṣaûə’rêhem:

25 wayyō’mer ’ălêhem yəhwōšu‘a ’al-tîrə’û wə’al-tēḥātû ḥizəqû wə’iməṣû kî ḵāḵâ y^a‘ăśeh yəhwâ ləḵāl-’ōyəḇêḵem ’ăšer ’atem niləḥāmîm ’wōṯām:

26 wayyakēm yəhwōšu‘a ’^aḥărê-ḵēn wayəmîṯēm wayyiṯəlēm ‘al ḥămiššâ ‘ēṣîm wayyihəyû təlûyim ‘al-hā‘ēṣîm ‘aḏ-hā‘āreḇ:

27 wayəhî lə‘ēṯ| bwō’ haššemeš ṣiûâ yəhwōšu‘a wayyōrîḏûm mē‘al hā‘ēṣîm wayyašəliḵum ’el-hammə‘ārâ ’ăšer neḥəbə’û-šām wayyāśimû ’ăḇānîm gəḏōlwōṯ ‘al-pî hammə‘ārâ ‘aḏ-‘eṣem hayywōm hazzeh: f

28 wə’eṯ-maqqēḏâ lāḵaḏ yəhwōšu‘a bayywōm hahû’ wayyakehā ləfî-ḥereḇ wə’eṯ-maləkāh heḥĕrim ’wōṯām wə’eṯ-kāl-hannefeš ’ăšer-bāh lō’ hišə’îr śārîḏ wayy^a‘aś ləmeleḵə maqqēḏâ ka’ăšer ‘āśâ ləmeleḵə yərîḥwō:

29 wayy^a‘ăḇōr yəhwōšu‘a wəḵāl-yiśərā’ēl ‘immwō mimmaqqēḏâ liḇənâ wayyillāḥem ‘im-liḇənâ:

30 wayyitēn yəhwâ gam-’wōṯāh bəyaḏ yiśərā’ēl³ wə’eṯ-maləkāh wayyakehā ləfî-ḥereḇ wə’eṯ-kāl-hannefeš ’ăšer-bāh lō’-hišə’îr bāh śārîḏ wayy^a‘aś ləmaləkāh ka’ăšer ‘āśâ ləmeleḵə yərîḥwō: s

31 wayy^a‘ăḇōr yəhwōšu‘a wəḵāl-yiśərā’ēl ‘immwō milliḇənâ lāḵîšâ wayyiḥan ‘āleyhā wayyillāḥem bāh:

32 wayyitēn yəhwâ ’eṯ-lāḵîš bəyaḏ yiśərā’ēl wayyiləkəḏāh bayywōm haššēnî wayyakehā ləfî-ḥereḇ wə’eṯ-kāl-hannefeš ’ăšer-bāh kəḵōl ’ăšer-‘āśâ ləliḇənâ: f

33 ’āz ‘ālâ hōrām meleḵə gezer l^a‘əzōr ’eṯ-lāḵîš wayyakēhû yəhwōšu‘a wə’eṯ-‘ammwō ‘aḏ-bilətî hišə’îr-lwō śārîḏ:

34 wayy^a‘ăḇōr yəhwōšu‘a wəḵāl-yiśərā’ēl ‘immwō millāḵîš ‘eḡəlōnâ wayy^aḥănû ‘āleyhā wayyillāḥămû ‘āleyhā:

35 wayyiləkəḏûhā bayywōm hahû’ wayyakûhā ləfî-ḥereḇ wə’ēṯ kāl-hannefeš ’ăšer-bāh bayywōm hahû’ heḥĕrîm kəḵōl ’ăšer-‘āśâ ləlāḵîš: f

36 wayy^a‘al yəhwōšu‘a wəḵāl-yiśərā’ēl ‘immwō mē‘eḡəlwōnâ ḥeḇərwōnâ wayyillāḥămû ‘āleyhā:

37 wayyiləkəḏûhā wayyakûhā-ləfî-ḥereḇ wə’eṯ-maləkāh wə’eṯ-kāl-‘āreyhā wə’eṯ-kāl-hannefeš ’ăšer-bāh lō’-hišə’îr śārîḏ kəḵōl ’ăšer-‘āśâ lə‘eḡəlwōn wayy^aḥărēm ’wōṯāh wə’eṯ-kāl-hannefeš ’ăšer-bāh: s

38 wayyāšāḇ yəhwōšu‘a wəḵāl-yiśərā’ēl ‘immwō dəḇirâ wayyillāḥem ‘āleyhā:

39 wayyiləkəḏāh wə’eṯ-maləkāh wə’eṯ-kāl-‘āreyhā wayyakûm ləfî-ḥereḇ wayy^aḥărîmû ’eṯ-kāl-nefeš ’ăšer-bāh lō’ hišə’îr śārîḏ ka’ăšer ‘āśâ ləḥeḇərwōn kēn-‘āśâ liḏəḇirâ ûləmaləkāh wəḵa’ăšer ‘āśâ ləliḇənâ ûləmaləkāh:

40 wayyakeh yəhwōšu‘a ’eṯ-kāl-hā’āreṣ hâār wəhanneḡeḇ wəhaššəfēlâ wəhā’ăšēḏwōṯ wə’ēṯ kāl-maləḵêhem lō’ hišə’îr śārîḏ wə’ēṯ kāl-hannəšāmâ heḥĕrîm ka’ăšer ṣiûâ yəhwâ ’ĕlōhê yiśərā’ēl:

41 wayyakēm yəhwōšu‘a miqqāḏēš barənē‘a wə‘aḏ-‘azzâ wə’ēṯ kāl-’ereṣ gōšen wə‘aḏ-giḇə‘wōn:

42 wə’ēṯ kāl-hamməlāḵîm hā’ēlleh wə’eṯ-’arəṣām lāḵaḏ yəhwōšu‘a p^a‘am ’eḥāṯ kî yəhwâ ’ĕlōhê yiśərā’ēl niləḥām ləyiśərā’ēl:

43 wayyāšāḇ yəhwōšu‘a wəḵāl-yiśərā’ēl ‘immwō ’el-hamm^aḥăneh hagiləgālâ: f